داعش نے لندن حملہ کیسے کیا

Reading Time: < 1 minute

لندن میں زیر زمین میٹرو ریلوے اسیٹشن میں ہونے والے دھماکے کی ذمہ داری شدت پسند تنظیم داعش نے قبول کرلی، برطانوی پولیس نے حملے میں مبینہ طور پر ملوث شخص کی شناخت سی سی ٹی وی ویڈیو کی مدد سے کرنے کا دعویٰ کیا ہے تاہم اس کے بارے میں معلومات ظاہرنہیں کی گئیں، واقعے کی تحقیقات انسدادِ دہشت گردی ونگ کو سونپ دی گئی ہے اور اب تک ملنے والے شواہد سے لگتا ہے کہ دھماکا دہشت گردی تھی جب کہ اسکاٹ لینڈ یارڈ کا بھی کہنا تھا کہ اس واقعے کو دہشت گردی کے طور پر دیکھا جارہا ہے، دوسری جانب برطانوی وزیر اعظم ٹیریزامے نے اپنے بیان میں حملے کو بزدلانہ قرار دیتے ہوئے لندن کے شہریوں سے کہا ہے کہ وہ اپنے معمولات جاری رکھیں جب کہ صورت حال کا جائزہ لینے کے لیے انہوں نے ہنگامی اجلاس طلب کرلیا ہے، علاوہ ازیں لندن کے میئر صادق خان نے کہا کہ دارالحکومت کی سڑکوں پر مزید پولیس فورس تعینات کی جائے گی تاکہ شہریوں کی سیکیورٹی یقینی بنائی جاسکے۔
واضح رہے کہ گزشتہ روز مغربی لندن میں انڈر گراؤنڈ میٹرو ریلوے اسٹیشن میں ہونے والے دھماکے میں درجنوں افراد زخمی ہوئے۔