لاہور ہائیکورٹ: سرگودھا کے جج کو ہراساں کرنے پر فیصلہ جاری

Reading Time: < 1 minute

اے ٹی سی سرگودھا کے جج کو ہراساں کرنے کے ازخود نوٹس کیس میں گزشتہ سماعت کا محفوظ فیصلہ سناتے ہوئے ڈی ایس پی سرگودھا، آر او سی ٹی ڈی سرگودھا، اور ایس ایچ او سرگودھا کو توہین عدالت اور شوکاز نوٹسز جاری کیے ہیں۔

جمعرات کو چیف جسٹس لاہور ہائیکورٹ ملک شہزاد احمد خان نے محفوظ فیصلہ سنایا۔

چیف جسٹس لاہور ہائیکورٹ نے فیصلے میں ہدایت کی کہ اے ٹی سی عدالت کے جج کے خطوط سپریم کورٹ کو ارسال کیے جائیں۔

چیف جسٹس نے ازخود نوٹس کیس کو جسٹس شاہد کریم کی عدالت میں مزید سماعت کے لیے بھیج دیا۔

چیف جسٹس نے کہا کہ جسٹس شاہد کریم 27 جون کو کیس پر سماعت کریں۔

عدالتی فیصلے کے مطابق اے ٹی سی سرگودھا کے جج نے سنگین نوعیت کے الزامات عائد کیے۔