توشہ خانہ کیس2، عمران خان اور بشریٰ بی بی کی بریت کی درخواستیں مسترد

راولپنڈی کی اڈیالہ جیل میں قائم عدالت نے عمران خان اور بشریٰ بی بی کی بریت کی درخواستیں مسترد کر دیں۔

جمعرات کو ملزمان کی بریت کی درخواستوں پر محفوظ فیصلہ سپیشل جج سینٹرل شاہ رُخ ارجمند نے سناتے ہوئے اُن کو مسترد کیا۔

ملزمان پر آج کی سماعت میں بھی فرد جرم عائد نہ کی جا سکی۔

توشہ خانہ ٹو کیس کی سماعت پیر تک ملتوی کر دی گئی۔

پیر کو ملزمان پر فرد جرم عائد کیے جانے کا امکان ہے۔