جیل میں عمران خان کا ٹی وی اور اخبار بند کر دیا گیا: علیمہ خان

Reading Time: 2 minutes

عمران خان کی ہمشیرہ علیمہ خان نے کہا ہے کہ جیل مینوئیل کے مطابق بشری بی بی اور سابق وزیراعظم کو آدھ آدھا گھنٹہ فیملیز اور پھر آپس میں ملاقات کرنی چاہیے، یہ مجموعی طور پر ڈیڑھ گھنٹہ کی ملاقات بنتی ہے لیکن کرائی 30منٹ جاتی ہے۔ ہم نے احتجاجا آج ملاقات 45منٹ تک کی۔

اڈیالہ جیل کے باہر میڈیا سے گفتگو میں ان کا کہنا تھا کہ عمران خان نے بتایا کہ انھیں اخبار نہیں مل رہا اور ٹی وی بھی بند ہے اس لیے وہ صورتحال سے بے خبر تھے۔

ہم نے انھیں اے پی سی کے بارے میں بتایا،بولے اسی لیے میرا اخبار اور ٹی وی بند کیا گیا

بانی نے کہا میری اجازت بغیر پارٹی والے اس اے پی سی میں شرکت نہیں کر سکتے

بچوں سے بھی ان کی فون پر بات نہیں کروائی گئی،نہ ان کے ذاتی معالج سے ان کا طبی معائنہ کروایا گیا

عدالت سے اجازت لے رکھی ہے کہ ڈاکٹر ثمینہ نیازی سے بانی کے دانتوں کا طبی معائنہ کروایا جائے

یہ ہر طریقے سے تنگ کر رہے ہیں،

مشرف نے جب نواز شریف کو جیل میں ڈالا تو کلثوم نواز کو جیل میں نہیں ڈالا تھا

لیکن بانی کے ساتھ اہلیہ کو جیل میں رکھا تاکہ ان پر دباؤ پر سکے

ان کا کہنا تھا کہ ملک ملکی کی یونٹی،ازادی،قانون کی حکمرانی اور ظلم کے خلاف کھڑا ہوں

اگر یہ ان چیزوں کے لیے مجھے میں رکھیں گے تو میں تیار ہوں

اگر یہ سمجھتے ہیں ان کے ان حربوں سے میں ٹوٹ جاؤں گا تو یہ انکے غلط فہمی ہے

یہ جو مرضی کرلیں میں اپنے اصول سے نہیں ہٹوں گا

انھوں نےکیسسز التوا میں رکھے، ملاقاتوں پر پابندی لگا رہے ہیں

اس وقت پاکستان میں کوئی قانون کام نہیں،
کس کی مرضی چل رہی ہے یہ آپ کو اور ہمیں پتہ ہے۔

سب کو پتہ ہے پاکستان بدل چکا ہے، ہم مضبوط کھڑے ہیں۔

ہم کبھی اللہ سے ناامید نہیں ہوئے، پاکستانیوں کو ملک اور اس کی سالمیت کے دعا کرنی چاہیے

بانی نے کہا کہ پارٹی میری اجازت سے قومی سلامتی کمیٹی میں جائے گی

گراف نکال کر دیکھیں دہشتگردی 2021تک کم ہو گئی تھی اور 2022میں پھر بڑھنا شروع ہوئی

خان نے کہا افغانستان ہمارا دشمن نہیں، آپ اسے دشمن بنانے کی کوشش نہ کریں

آپ کیوں بلاوجہ مسلمان بھائیوں سے لڑائی مول لے رہے ہیں۔