عالمی منڈی میں خام تیل کی قیمتوں میں ایک بار پھر اضافہ

مشرق وسطیٰ میں تازہ کشیدگی کے سبب تیل کی عالمی منڈیوں میں ایک بار پھر تیزی دیکھنے میں‌آئی ہے اور کروڈ آئل مہنگا ہو گیا ہے-

ایشیائی منڈیوں میں تیل کی قیمت بڑھ کر اس سطح پر جا پہنچی ہے جو جون کے وسط میں امریکہ اور ایران کے درمیان مفاہمتی یادداشت پر دستخط سے پہلے تھی۔

برینٹ خام تیل کی قیمت تقریباً 79 ڈالر فی بیرل تک پہنچ گئی، جبکہ امریکہ میں تیل کی قیمت تقریباً 74 ڈالر فی بیرل تک ہے۔

تیل کی قیمتوں میں یہ اضافہ ایسے وقت میں ہوا ہے جب بدھ اور جمعرات کی درمیانی شب امریکہ کی جانب سے ایران پر دوبارہ فضائی حملے کیے گئے ہیں۔

اس سے پہلے ایران نے آبنائے ہرمز سے گزرنے والے بحری جہازوں پر حملے کیے تھے جس سے یہ خدشات بڑھ گئے کہ مشرقِ وسطیٰ سے تیل کی رسد مزید متاثر ہو سکتی ہے۔