ٹرمپ کے الزامات مسترد

Reading Time: < 1 minute

پاکستان کے عوامی نمائندوں پر مشتمل قومی اسمبلی نے متفقہ قرارداد منظور کرتے ہوئے امریکی صدر ڈونلڈ ٹرمپ کے الزامات مسترد کر دیے ہیں جن میں کہا گیا تھا کہ پاکستان میں دہشت گردوں کی محفوظ پناہ گاہیں موجود ہیں۔ قرارداد وزیرخارجہ خواجہ آصف نے پڑھی اور اس میں کہاگیاہے کہ پاکستان نیٹو کے افغانستان میں موجود کمانڈر کے الزامات کو بھی مسترد کرتا ہے۔

قرارداد میں کہاگیاہے کہ پاکستان امریکا کے ساتھ سفارتی وفود کے تبادلے کو موخرکرے جبکہ امریکی فوج کے پاکستان کے زمینی وفضائی راستے استعمال کرنے کو بھی معطل کیاجائے۔

پوری قوم ٹرمپ کی پالیسی کے خلاف متحد ہے، ٹرمپ اورجنرل نکلسن کے بیانات دھمکی آمیز ہیں۔ قرارداد میں کہا گیا ہے کہ افغان حکومت اس بات کو یقینی بنائے بھارت اس کی سرزمین پاکستان کے خلاف استعمال نہ کرے۔ قرارداد میں کہاگیا ہے کہ پاکستان خطے میں امن کیلئے اپنا کردار ادا کرنے کوتیارہے۔ افغانستان سمیت تمام پڑوسیوں سے بہتر تعلقات چاہتے ہیں۔