مہمند ایجنسی دھماکے میں تین جاں بحق

Reading Time: < 1 minute

قبائلی علاقے مہمند ایجنسی میں دھماکے میں تین افراد جاں بحق جبکہ دو زخمی ہوگئے ہیں۔ حکام کا کہنا ہے کہ جمعے کی صبح ہونے والے دھماکہ تحصیل انبار کے علاقے شاتی مینہ میں اس وقت ہوا جب علاقے کے لوگ نماز عید کی ادائیگی کے لیے مقامی مسجد میں جا رہے تھے۔ مقامی صحافی کے مطابق  دھماکہ سڑک کے کنارے نصب بارودی مواد پھٹنے سے ہوا ہے۔ جاں بحق ہونے والوں کے نام شاد علی، فقیر اور معاذ بتائے گئے ہیں اور ان میں سے دو کا تعلق ایک ہی خاندان سے ہے جبکہ زخمی ہونے والوں میں قبائلی رہنما ملک علی رحمان بھی شامل ہیں۔ مہمند ایجنسی کی تحصیل یکہ غنڈ کے علاوہ تمام علاقوں میں جمعے کو عید الاضحیٰ منائی جا رہی ہے۔