جہانگیر ترین کی باری ہے

Reading Time: 2 minutes

چیف جسٹس ثاقب نثار نے جہانگیر ترین کی  نااہلی کے لیے دائر درخواست کی سماعت میں ریمارکس دیئے ہیں کہ ارکان پارلیمان ہمارے نمائندے ہیں، ان کے سر پر تلوار نہیں لٹکنی چاہیے، سب کو ایک ترازو میں پرکھنا ہے، غلطی نہ ہو اس لیے تحمل سے سن رہے ہیں، درخواست کو پانامہ کیس میں ہی سنا جانا چاہیے تھا _

جہانگیر ترین کے وکیل سکندر بشیر نے دلائل دیتے ہوئے کہا کہ ترین کے خلاف درخواست عوامی مفاد میں نہیں بلکہ سیاسی مقاصد کے لیے دائر کی گئی، درخواست پنامہ کیس کا کاونٹر بلاسٹ ہے، جسٹس عمر عطابندیال نے کہا کہ کیا جہانگیر ترین نہیں چاہتے سکروٹنی کے جو پیرامیٹر پنامہ مقدمہ طے ہوئے انکا اطلاق ان پر نہ ہو،چیف جسٹس نے کہا نواز شریف کے عمران خان سیاسی حریف ہو سکتے ہیں،درخواست کو بد نیتی نہیں کہہ سکتے،وکیل سکندر بشیر نے کہا جہانگیر ترین آفشور کمپنی کے بینیفیشل مالک نہیں،انہوں نے بنک قرض معاف نہیں کرایا،قرضہ 2007 میں معاف کرایا گیا،جہانگیر ترین 2010 میں کمپنی ڈائریکٹر بنے،چیف جسٹس نے ریمارکس میں کہا ایسا کوئی ثبوت نہیں کہ جہانگیر ترین نے بطور وزیر کمپنی کا قرض معاف کرانے پر اثر انداز ہوئے، دیکھنا ہے عوامی عہدہ رکھنے والے نے کرپشن یا دھوکہ دہی تو نہیں کی ،پنامہ کیس میں آف شور کمپنبیوں سے متعلق درخواست کو ایک ساتھ سنا جانا چاہیے تھا۔

سکندر بشیر مہمند نے کہا پنامہ کیس میں نااہلی تسلیم شدہ حقائق پر ہوئی،جہانگیر ترین 2013 کے کاغذات نامزدگی پر نہیں،2015 کے ضمنی الیکشن میں قومی اسمبلی کے رکن بنے،چیف جسٹس نے کہا جہانگیر ترین نے ٹیکس گوشوارے 2013 سے پہلے بھرے ،الیکشن گوشوارے مئی 2013 میں بھرے گئے، جہانگیر ترین کے انتخابی اور ٹیکس گوشواروں میں یکسانیت نہیں،میڈیا میں کہا گیا کہ مقدمہ کی 36 سماعتیں ہو چکی ہے ،غلطی نہ ہو ،اس لیے تحمل سے کس کو سن رہے ہیں،ارکان پارلیمان ہمارے نمائندے ہیں،ان کے سر پر تلوار نہیں لٹکنی چاہیے،سب کو ایک ترازو میں پرکھنا ہے،جسٹس عمر عطاء نے کہا پنامہ فیصلے کے بعد الیکشن گوشواروں کی سکروٹنی کے پیرامیڑز مزید سخت ہو گئے ہیں،
وکیل اکرم شیخ نے کہا عدالت نے عمران خآن نا اہلی کیس کی سماعت مکمل کی،فیصلہ محفوظ نہ کرنا عدالتی رولز کے برعکس ہے،چیف جسٹس نے کہا چاہتے ہیں جتنی جلدی ہو یہ بوجھ ہمارے کندھوں سے اتر جائے، جج ہر روز امتحان میں ہو تا ہے عمران خآن نا اہلی کیس کی سماعت مکمل نہیں کی_

عدالت نے جہانگیر ترین نا اہلی کیس کی سماعت جمعرات تک ملتوی کردی گئی۔