وجہ نوازشریف تھے ۔ نیب

قومی احتساب بیورو نے حدیبیہ پیپرز ملز اپیل تین سال کی تاخیر سے دائر کرنے کی وجہ بتاتے ہوئے سپریم کورٹ سے صرف نظر کی درخواست کی ہے۔ تاخیرکا عرصہ ختم کرنے کیلئے دائر درخواست نے نیب نے بتایا ہے کہ نوازشریف بطور وزریراعظم اثرانداز ہوئے اس لیے ہائیکورٹ فیصلے کے خلاف بروقت اپیل نہ کی جاسکی۔
قومی احتساب بیورو کی جانب سے حدیبیہ پیپر ملز ریفرنس دوبارہ کھولنے کیلئے ہائیکورٹ فیصلے کے خلاف اپیل میں درخواست دائر کی گئی،درخواست میں اپیل قانونی معیاد میں دائر نہ کرنے کی قدغن سے صرف نظر کرنے کی استدعا کی گئی ہے،درخواست میں حدیبیہ کیس میں اپیل تاخیر سے دائر کرنے کی وجہ نواز شریف کو قرار دیتے ہوئے کہا گیا ہے کہ وہ بطور چیف ایگزیکٹیو اثر انداز ہوئے۔ نواز شریف نے اپنا اثر ورسوخ فیصلے کے خلاف اپیل دائر نہ کرنے کے لیے استعمال کیا۔ درخواست میں حدیبیہ ریفرنس خارج کرنے کی وجہ ججز کا غیر سنجیدہ رویہ قرار دیا گیاہے، درخواست میں کہاگیاہے کہ سپریم کورٹ نیب اپیل کا ماضی کے عدالتی فیصلوں کی روشنی میں جائزہ لے۔ہائی کورٹ کے ججز کی غیر سنجیدگی سے استغاثہ کا مقدمہ تکنیکی بنیادوں پر متاثر نہیں ہونا چاہیے، دوبارہ تحقیقات سے روکنا دراصل انصاف سے روکنے کے مترادف ہے،شکایت کنندہ کو بھی انصاف سے محروم نہیں رکھا جا سکتا۔