آٹھ اینکرز کیوں ملے؟
Reading Time: < 1 minuteسوشل میڈیا پر یہ تصویر لگا کر مختلف تبصرے جاری ہیں لیکن بہت کم لوگ جانتے ہیں کہ تحریک انصاف کے چیئرمین عمران خان نے اینکروں کو بلین ٹری سونامی منصوبے پر بریفنگ کے لیے بلایا تھا _
تحریک انصاف کے مرکزی میڈیا سیل سے جاری کردہ بیان میں کہا گیا ہے کہ سینئر اینکرز پرسنز کی چیئرمین تحریک انصاف سے ملاقات ہوئی ہے، ملاقات بنی گالہ اسلام آباد میں ہوئی اور اس موقع پر ملک امین اسلم نے بلین ٹری سونامی پر بریفنگ دی _
بیان کے مطابق اس موقع پر عمران خان نے کہا کہ بلین ٹری سونامی اپنی نوعیت کا منفرد منصوبہ ہے۔ ایک ارب سولہ کروڑ درخت لگائے گئے۔ عمران خان نے کہا کہ پانچ لاکھ لوگوں کو روزگار فراہم ہوا، ماحولیاتی تبدیلی سے متاثر ممالک میں پاکستان ساتویں نمبر ہے ۔ عمران خان نے کہا کہ پنجاب میں راجن پور، چیچہ وطنی، چھانگا مانگا اور کندیاں کے جنگلات ختم ہو چکے ہیں، بدقسمتی کی بات ہے حکومت پنجاب نے اس اہم ترین مسئلے پر توجہ نہیں دی۔ عمران خان نے کہا کہ یہ واحد منصوبہ ہے جس سے آنے والی نسلوں کو ماحولیاتی تبدیلی سے محفوظ کیا جاسکتا ہے ۔ عمران خان کا کہنا تھا کہ واحد منصوبہ ہے جس کی کامیابی پر عالمی ماحولیاتی اداروں نے مہر تصدیق ثبت کی۔ عمران خان نے اعلان کیا ہے کہ اگلے مرحلے میں دیگر شہروں میں بھی یہ منصوبہ شروع کیا جائے گا۔
