چیف جسٹس کی تصویر عدالت میں

Reading Time: < 1 minute

سپریم کورٹ میں دوران سماعت چیف جسٹس ثاقب نثار کی ایئر ہوسٹس کے ہمراہ تصویر پر اعتراض اٹھایا گیا ہے ۔ تحریک انصاف کے رہنما اور وکیل نعیم بخاری نے چیف جسٹس سے ان کی ایئر ہوسٹس کے ساتھ تصویر پر مذاق کیا ۔

چیف جسٹس ثاقب نثار کی سربراہی میں 3 رکنی بنچ مختلف مقدمات کی سماعت کر رہا تھا کہ وکیل نعیم بخاری نے چیف جسٹس کی سوشل میڈیا پر چلنے والی ایئر ہوسٹسز کے ساتھ تصویر کا تذکرہ کرتے ہوئے کہا کہ مجھے آپ کی اس تصویر پر اعتراض ہے ۔

چیف جسٹس نے مسکراتے ہوئے جواب دیا کہ کیوں آپ تصویر سے جل رہے ہیں، آپ کا جیلس ہونا بنتا بھی ہے ۔ نعیم بخاری نے کہا کہ یہ وکلاء کا حق مارنے والی بات ہے ۔ چیف جسٹس نے کہا کہ بعض اوقات بیٹیوں کو انکار نہیں کیا جاسکتا ۔

یاد رہے اتوار کے روز کراچی سے اسلام آباد روانگی کے وقت دوران پرواز پی آئی اے کی فضائی میزبانوں نے چیف جسٹس کے ہمراہ چند تصاویر کھنچوائی تھیں، بعد میں انہوں نے یہ تصاویر سوشل میڈیا پر اپ لوڈ کردی تھیں جن کو بہت زیادہ شیئر کیا گیا تھا ۔