تحریک انصاف کے پٹواری ارکان
راجن پور اور چکوال کے ڈپٹی کمشنرز نے پٹواریوں کے تبادلے کیلئے دباؤ ڈالنے والے تحریک انصاف کے ارکان قومی اسمبلی کے خلاف شکایات کی ہیں ۔ دونوں اضلاع کے ڈپٹی کمشنرز نے یہ شکایات پنجاب کے چیف سیکرٹری کو خطوط کے ذریعے کی ہیں ۔
چکوال کے ڈپٹی کمشنر نے ایک خط کے ذریعے شکایت کی ہے کہ این اے 64 سے منتخب تحریک انصاف کے رکن قومی اسمبلی سردار ذوالفقار نے پٹواریوں کے تبادلے کے لئے دباؤ ڈالا ہے ۔ اسی طرح راجن پور سے نصراللہ دریشک کے خلاف شکایت سامنے آئی ہے ۔
ڈپٹی کمشنرز نے ارکان قومی اسمبلی کی جانب سے بدتمیزی کی بھی شکایت کی ہے ۔
