ٹرین نے ۵۰ کچل دیئے

انڈیا کی ریاست پنجاب کے شہر امرتسر میں میلے کا ہجوم ٹرین کی زد میں آنے سے پچاس افراد کے مارے جانے کی تصدیق ہوئی ہے ۔ حکام کا کہنا ہے کہ زخمی ہونے والے کئی افراد کی حالت بھی تشویش ناک ہے ۔

امرتسر کے ضلعی پولیس افسر نے مقامی ٹی وی کو بتایا کہ امرتسر کے علاقے دھوبی گھاٹ کے قریب جورا پھاٹک ریلوے کراسنگ پر میلے میں سینکڑوں افراد شریک تھے اور اس دوران علاقہ آتش بازی اور کریکر دھماکوں سے گونج رہا تھا جس کی وجہ سے ٹریک پر آنے والی تیز رفتار ٹرین کا سائرن سنائی نہ دیا ۔

ریل گاڑی نے ٹریک پر موجود درجنوں افراد کو تیز رفتاری کے باعث کچل دیا اور پلک جھپکتے میں آگے چلی گئی ۔حادثے میں 50 افراد مارے گئے جب کہ تیس سے زائد زخمی ہیں ۔