معطلی کے نوٹس کے مطابق ضلع پاکپتن کے تھانہ کلیانہ میں تعینات ایس ایچ او انسپیکٹر ارشد کی ایک ویڈیو سوشل میڈیا پر وائرل ہورہی ہے جس میں وہ ایک خاتون کے ساتھ بالی ووڈ گانے پر رقص کرتے نظر آرہے ہیں ۔

ڈسٹرکٹ پولیس آفیسر پاکپتن ماریہ محمود نے وائرل ہونے والی ویڈیو پر نوٹس لیتے ہوئے انسپکٹر ارشد کو معطل کرکے ان کے خلاف انکوائری کا حکم دیا ۔ بتایا جاتا ہے کہ ڈانس کی ویڈیو انسپکٹر ارشد کے موبائل فون میں تھی اور اس کو انٹرنیٹ پر ان کے کسی رشتہ دار نے اپلوڈ کیا ہے ۔