آشیانہ اسکینڈل کیس سپریم کورٹ میں
Reading Time: < 1 minuteآشیانہ ہاوسنگ اسکینڈل میں چیئرمین نیب نے سابق وزیراعلی پنجاب شہاز شریف اور سابق پرنسپل سیکرٹری فواد حسن فواد کے خلاف ریفرنس پر دستخط کردئیے ہیں، یہ بات سپریم کورٹ کو شریک ملزمان کی ضمانت کے مقدمے میں بتائی گئی ہے ۔جسٹس عظمت سعید نے ریمارکس دیے کہ نہیں چاہتے انصاف کا قتل ہو، ایسے کسی شخص کو جیل میں نہیں ہونا چاہیے جس کا جیل جانا نہیں بنتا ۔
آشیانہ ہاوسنگ اسکینڈل میں بڑی پیشرفت کے بارے میں سپریم کورٹ کو بتایا گیا ہے کہ چیئرمین نیب نے اپوزیشن لیڈر شہباز شریف اور نوازشریف کے سابق پرنسپل سیکرٹری فواد حسن فواد کے خلاف ریفرنس پر دستخط کردئیے ہیں، جلد احتساب عدالت میں دائر کردیا جائے گا ۔
جسٹس عظمت سعید کی سربراہی میں دو رکنی بنچ نے آشیانہ اسکینڈل میں ملوث ملزمان کی ضمانت کی درخواستوں پر سماعت کی
ملزمان کے وکیل نے موقف اختیار کیا کہ ہمارے موکلان بلال قدوائی،امتیاز حیدر ،منیر ضیاء اور علی سجاد کے خلاف ریفرنس فائل ہو چکا ہے، بلال قدوائی اور امتیاز حیدر نیب ریمانڈ بھی مکمل کر چکے، نیب کو تحقیقات سے کچھ نہں ملا ۔ جسٹس عظمت سعید نے ریمارکس دئیے کہ نہیں چاہتے انصاف کا قتل ہو ، ایسے کسی شخص کو جیل میں نہیں ہونا چاہیے جسکا جیل جانا نہیں بنتا
، ریفرنس دائر ہونے کے بعد سارے کیس کو ایک ساتھ سنیں گے
نیب تفتیشی افسر بھی آئندہ سماعت پر طلب کیا اور عدالت نے سرما تعطیلات کے بعد کیس کو سماعت کیلئے مقرر کرنے کا حکم دے دیا
