حملہ مانسہرہ بالاکوٹ کے درمیان ہوا

انڈیا کے جیٹ طیاروں نے منگل کی علی الصبح کیے گئے حملے میں مانسہرہ مظفر آباد شاہراہ پر واقع جنگل کو نشانہ بنایا ہے ۔

یہ علاقہ تحصیل بالاکوٹ میں ہے اور بالاکوٹ شہر سے ۱۸ کلومیٹر مشرق میں واقع ہے ۔

مقامی رہائشیوں کے مطابق انہوں نے رات کے تیسرے پہر جابہ ٹاپ سے آنے والی دھماکوں کی آوازیں سنیں جس کے بعد جیٹ جہازوں کی گھرج سنائی دی ۔

مانسہرہ سے تعلق رکھنے والے صحافیوں کے مطابق انہوں نے علاقے کا دورہ کرنے کی کوشش کی مگر وہاں تیز بارش ہو رہی ہے اور پولیس اہلکار بھی جنگل کے اندر نہیں جا رہے ۔