حمزہ شہباز کی گرفتاری کے لیے نیب کا چھاپہ

پاکستان کی قومی اسمبلی میں قائد حزب اختلاف شہباز شریف کے گھر پر احتساب کے قومی ادارے نیب کے اہلکاروں نے چھاپہ مارا ہے ۔

لاہور میں مسلم لیگ نون کی ترجمان مریم اورنگزیب نے نیب کے چھاپے کی تصدیق کی ہے ۔ ان کا کہنا تھا کہ نیب نے بغیر کسی اجازت نامے کے چھاپہ مارا اور شہباز شریف کے گھر میں داخل ہونے والے نیب اہلکاروں کے پاس کوئی وارنٹ نہیں تھا ۔

نیب ترجمان نے کہا ہے کہ چھاپہ حمزہ شہباز کی گرفتاری کے لیے مارا گیا اور اس کے لیے قانونی تقاضے پورے کیے گئے ۔