شکستوں سے دوچار ٹیم ورلڈکپ جیت سکتی ہے؟

ایک روزہ عالمی مقابلوں میں پاکستان کی کرکٹ ٹیم کو مسلسل دسویں شکست ہوئی ہے ۔ پاکستان نے انگلینڈ کے خلاف پانچ ایک روزہ میچوں کی سیریز کا آخری میچ بھی ہار دیا ۔

انگلش ٹیم نے سیریز چار – صفر سے جیت لی ۔ ایک میچ بارش کی وجہ سے نا مکمل رہا ۔ اس سے قبل پاکستانی ٹیم آسٹریلیا سے پانچ ایک روزہ میچوں کی سیریز ہار گئی تھی ۔

متحدہ عرب امارات کے ہوم گراؤنڈ پر پاکستان وائٹ واش ہو گیا تھا ۔ یوں یہ کرکٹ کے عالمی کپ سے پہلے پاکستانی ٹیم کے خلاف کسی ٹیم کی مسلسل دوسری کلین سویپ ہے ۔

انگلش وکٹوں پر پاکستانی بلے بازوں کی عمدہ بیٹنگ کو ہر ایک نے سراہا ہے مگر ہار تو بہرحال ہار ہے خواہ گیند بازوں کی وجہ سے ہی مقدر بنے ۔ اس وقت پاکستانی کرکٹ شائقین یہ سوچ رہے ہیں کہ کیا یہ ٹیم ورلڈکپ جیت سکتی ہے؟۔