خیبر پختونخوا میں زلزلہ

پاکستان کے صوبے خیبر پختونخوا کے شمالی اضلاع میں زلزلے کے شدید جھٹکے محسوس کیے گئے ہیں۔ ریکٹر سکیل پر شدت 5.2 تھی۔

امریکی جیولوجیکل سروے کے مطابق زلزلہ پاکستانی وقت کے مطابق صبح آٹھ بج کر دس منٹ پر آیا۔

زلزلے کا مرکز ضلع بٹگرام کے مغرب میں گیارہ کلومیٹر پہاڑوں کے نیچے تھا۔ زلزلہ 30 کلومیٹر کی گہرائی سے آیا۔

گہرائی کم ہونے کی وجہ سے مقامی لوگوں کو زمین اچھلتی محسوس ہوئی۔ جھٹکے ہزارہ میں ہری پور تک محسوس کیے گئے۔

تاحال کسی نقصان کی اطلاع نہیں ملی تاہم متاثرہ علاقوں میں شانگلہ، سوات، بٹگرام، مانسہرہ شامل ہیں۔