یمن پر سعودی بمباری سے 13 ہلاک

Reading Time: < 1 minute

سعودی عرب نے بھاری توپ خانے اور جیٹ فائٹرز سے یمن کے حوثی باغیوں کو نشانہ بنایا ہے تاہم امدادی اداروں کا کہنا ہے کہ اس سے شہری آبادی کو نقصان پہنچا ہے۔

طبی امداد فراہم کرنے والے ایک ادارے کے اہلکاروں نے فرانسیسی خبر رساں ادارے کو بتایا کہ بمباری سے دو بچوں سمیت 13 عام شہری ہلاک ہوئے ہیں۔

اس سے قبل حوثی باغیوں کے ذرائع ابلاغ نے سعودی بمباری میں مارکیٹ کے نشانہ بنائے جانے کی خبر دی تھی۔

سعودی عرب نے یہ بمباری اپنے فوجی بیس پر حوثیوں کے حملے کے جواب میں کی ہے۔

امدادی اداروں کے مطابق بمباری سادا صوبے کے الثابت الشابی ضلع میں کی گئی جو باغیوں کا گڑھ سمجھا جاتا ہے۔

اس بمباری میں 26 افراد کے زخمی ہونے کی بھی اطلاعات ہیں۔