چیمپئنز ٹرافی 2025: پاکستان کا انڈیا کو جیت کے لیے معمولی ہدف

Reading Time: < 1 minute

آئی سی سی چیمپئنز ٹرافی 2025 کے پانچویں اور گروپ اے کے تیسرے میچ میں پاکستان نے ٹاس جیت کر پہلے بیٹنگ کا فیصلہ کیا۔

پاکستان کی پوری ٹیم آخری اوور میں 241 رنز بنا کر آؤٹ ہوئی اور انڈیا کو جیت کے لیے 242 کا ہدف دیا۔

پاکستان کی جانب سے سعود شکیل نے 76 گیندوں پر 62، کپتان محمد رضوان نے 77 گیندوں پر 46 رنز سکور کیے۔

خوشدل شاہ نے دو چھکوں کی مدد سے 39 گیندوں پر 38 رنز بنائے۔

بابر اعظم نے 23 اور امام الحق نے دس رنز سکور کیے۔ دونوں اوپنرز نے سست روی سے بیٹنگ کی۔

سلمان آغا نے 19، نسیم شاہ نے 14، طیب طاہر 4 اور شاہین آفریدی بغیر کوئی رنز بنائے آؤٹ ہوئے۔

حارث رؤف سات گیندوں پر آٹھ رنز بنا کر رن آؤٹ ہوئے۔ انہوں فاسٹ بولر شامی کو فلک شگاف چھکا بھی لگایا۔

روایتی سست بیٹنگ کرتے ہوئے پاکستان نے ابتدائی 25 اوورز میں 100 رنز سکور کیے.

اتوار کو دبئی میں ٹاس جیت کر پاکستانی کپتان محمد رضوان نے کہا تھا کہ پہلے بیٹنگ کریں گے پچ اچھی لگ رہی ہے۔ ہمارے کھلاڑی یہاں کی کنڈیشن سے آگاہ ہیں۔

ٹیم میں صرف ایک تبدیلی کی ہے اور فخر زمان کی جگہ امام الحق کو شامل کیا گیا ہے۔