لیبیا کو فوجی جنرل کے سپرد نہیں کرسکتے، اوردوان

Reading Time: < 1 minute

ترکی کے صدر طیب اوردوان نے خبردار کرتے ہوئے کہا ہے کہ لیبیا کو ایک فوجی جنرل کے رحم کرم پہ چھوڑنا تاریخی غلطی ہوگی۔ ”لیبیا میں امن وسلامتی کا راستہ ترکی سے ہوکر گزرتا ہے۔“

ان خیالات کا اظہار انہوں نے روزنامہ "یورویپین پالیٹکس” کے ساتھ گفتگو کرتے ہوئے کیا۔

ترک صدر نے زور دے کر کہا کہ ان کا ملک جلد ہی لیبیا کی سیکیورٹی فورسز کو تربیت دینے کا عمل شروع کردے گا اور وہ دہشت گردی سمیت انسانی سمگلنگ کے خلاف جنگ میں لیبیا کا ساتھ دے گا۔

انہوں نے یورپی یونین کو مخاطب کرتے ہوئے خبردار کیا کہ اگر لیبیا کی قانونی حکومت کا خاتمہ ہوا تو اس سے یورپی یونین کو بہت سی مشکلات و خطرات کا سامنا کرنا پڑسکتا ہے۔