جلیلہ حیدر کے بیرون ملک جانے پر پابندی

پاکستان میں حکام نے بلوچستان کے ہزارہ قبیلے سے تعلق رکھنے والی انسانی حقوق کے لیے سرگرم جلیلہ حیدر ایڈووکیٹ کو بیرون ملک جانے سے روک دیا ہے۔

جلیلہ حیدر کے مطابق وہ پیر کی صبح لاہور ایئرپورٹ سے لندن ایک کانفرنس میں شرکت کے لیے جا رہی تھیں جب ان کو حکام نے بتایا کہ ان کا نام ایگزٹ کنٹرول فہرست (ای سی ایل) میں شامل ہے اور وہ سفر نہیں کر سکتیں۔

جلیلہ حیدر کے مطابق ان کو بتایا کہ نام ریاست مخالف سرگرمیوں کی وجہ سے ای سی ایل میں شامل کیا گیا۔

جلیلہ حیدر کو روکے جانے پر سوشل میڈیا پر صارفین نے سخت ردعمل ظاہر کیا ہے اور ان کا نام ای سی ایل میں شامل کرنی کی مذمت کی ہے۔