فیصل واوڈا کے خلاف کیس مقرر

الیکشن لڑنے کے لیے مبینہ جعلی حلف نامہ جمع کرانے پر وفاقی وزیر فیصل واوڈا کی نااہلی کے لیے دائر درخواست سماعت کے لیے مقرر کر دی گئی ہے۔

الیکشن کمیشن فیصل وواڈا کی نااہلی کے لیے دائر درخواست پر سماعت تین فروری کو کرے گا۔ الیکشن کمیشن نے فریقین کو نوٹس جاری کر دیے ہیں۔

درخواست امن ترقی کے چیئرمین فائق شاہ کی جانب سے دائر کی گئی تھی۔ درخواست گزار کے مطابق فیصل واڈا نے کاغذات نامزدگی میں جعلی حلف نامہ جمع کروایا۔

درخواست گزار نے استدعا کی ہے کہ فیصل وواڈا صادق اور امین نہیں رہے ان کو آئین کی شق 62 ون ایف کے تحت نا اہل کیا جائے۔

درخواست میں کہا گیا ہے کہ اعلی عدلیہ اس قبل دوہری شہریت رکھنے پر دو سینیٹرز کو نااہل کر چکی ہے۔