حافظ سعید کو 11 سال قید کی سزا

پاکستان میں صوبہ پنجاب کے دارالحکومت لاہور میں انسداد دہشت گردی کی ایک عدالت نے کالعدم جماعت الدعوہ کے سربراہ حافظ محمد سعید کے خلاف دو مقدمات میں محفوظ فیصلہ سناتے ہوئے مجموعی طور پر پانچ گیارہ سال قید اور 15 ہزار روپے جرمانہ کی سزا سنائی ہے۔

بدھ کو عدالت نے ایک الگ مقدمے میں مختلف اداروں کے لیے غیر قانونی فنڈنگ کیس میں حافظ سعید اور ملک ظفر اقبال کو جرم ثابت نہ ہونے پر بری بھی کیا۔

انسداددہشتگردی کی خصوصی عدالت کے جج ارشد حسین بھٹہ نے کیس پر فیصلہ سنایا۔ حافظ سعید اور دیگر کے خلاف مقدمہ نمبر 30 اور 32 میں ٹرائل مکمل کیا گیا تھا۔

حافظ محمد سعید کیخلاف سی ٹی ڈی نے غیر قانونی فنڈنگ کے الزام میں مقدمہ درج کر رکھا تھا۔

ڈپٹی پراسیکیوٹر جنرل عبدالروف وٹو نے ٹرائل مکمل کرایا۔ دونوں مقدمات میں حافظ سعید کے خلاف کل 23 گواہوں نے بیانات قلمبند کرائے۔