احتجاجی کارکنوں پر غداری کا مقدمہ خارج

اسلام آباد کے ڈپٹی کمشنر نے ہائیکورٹ کو بتایا ہے کہ پشتون تحفظ موومنٹ اور عوامی ورکرز پارٹی کے کارکنوں پر درج کیا گیا غداری اور دہشتگردی کا مقدمہ ختم کر دیا گیا ہے جس کے بعد عدالت نے درخواستیں نمٹا دیں۔

جسٹس اطہر من اللہ نے دوران سماعت کہا کہ ’جو کچھ انڈیا میں ہو رہا ہے وہ یہاں نہیں ہو گا، عدالت امید کرتی ہے کہ حکومت اظہار رائے کی آزادی کے بنیادی حق کو مدنظر رکھے گی۔‘

عدالت ڈپٹی کمشنر کی جانب سے مقدمہ ختم کرنے کا تحریری بیان دینے پر عوامی ورکرز پارٹی اور پشتون تحفظ موومنٹ کے کارکنوں کی درخواستیں نمٹا دیں۔