پاکستان میں کورونا کا پانچواں کیس
چین سے پھیلنے والے کورونا وائرس کا پاکستان میں پانچواں کیس سامنے آیا ہے۔
وزیراعظم کے معاون خصوصی ظفر مرزا نے ٹویٹ کیا ہے کہ مریضہ کا تعلق گلگت سے ہے اور وہ اسلام آباد میں زیر علاج ہے جہاں اس کی حالت خطرے سے باہر ہے۔
وزارت صحت کے حکام کے مطابق مریضہ ایران سے واپس آئی ہیں۔
واضح رہے کہ چین سے پھیلنے والا کورونا وائرس پاکستان میں ایران سے آنے والے افراد کے ذریعے داخل ہوا ہے اور اب تک سامنے آنے والے تمام متاثرین ایک ہی علاقے سے ہو کر آئے ہیں۔
