چین سے فضائی رابطے 31 مارچ تک بند
پاکستان کی قومی ایئر لائن نے چین میں کورونا وائرس کے پھیلاو کے بعد بگڑتی صورتحال کے پیش نظر بیجنگ اور ٹوکیو کے لئے پروازوں کی بندش میں 31مارچ تک توسیع کر دی ہے۔ فضائی رابطے کی بحالی کا فیصلہ رواں ماہ کے اختتام پر کیا جائے گا۔
ہمسایہ ملک چین میں کورونا وائرس کے پھیلاو کی وجہ سے پی آئی اے نے پروازوں کی معطلی کا دورانیہ بڑھا دیا ہے۔
ترجمان پی آئی اے عبداللہ حفیظ کے مطابق چین کے شہر بیجنگ اور جاپان کے دارالحکومت ٹوکیو کے لئے پروازوں کی معطلی کے دورانیہ میں 31مارچ تک توسیع کر دی گئی ہے،پروازوں کی آمدورفت میں بحالی یا معطلی کا دورانیہ بڑھانے کا فیصلہ رواں ماہ کے اختتام پر کیا جائے گا۔
چین اور جاپان کے لئے پروازوں کی معطلی کا فیصلہ گزشتہ ماہ کیا گیا تھا۔
ابتدائی طورپر بیجنگ اور ٹوکیو کے لئے پروازوں کی معطلی 15مارچ تک کے لئے کی گئی تھی،چین میں کرونا وائرس کے بعد کی صورتحال میں نمایاں بہتری نہ آنے پرپروازون کی معطلی کا دورانیہ میں توسیع کی گئی۔
