بس دریائے سندھ میں گرنے سے 26 ہلاک
پاکستان کے شمالی علاقے میں قراقرم ہائی وے سے ایک مسافر بس دریائے سندھ میں گر گئی جس کے نتیجے میں 26 افراد ہلاک ہو گئے۔
سکردو کے ڈپٹی کمشنر کے مطابق مسافر بس راولپنڈی سے سکردو آ رہی تھی جب روندو کے مقام پر ایک موڑ کاٹتے ہوئے سینکڑوں فیٹ گہرائی میں بہنے والے دریائے سندھ میں چلی گئی۔
سوشل میڈیا پر شیئر کی گئی تصاویر میں مسافر بس کو دریائے سندھ کے پانی میں ڈوبا ہوا دکھایا گیا ہے۔
گلگت بلتستان کی حکومت کے ترجمان نے حادثے کی تصدیق کرتے ہوئے وزیراعلیٰ کی جانب سے افسوس کا اظہار کیا ہے۔ بتایا گیا ہے کہ حادثے کی تحقیقات کی جائیں گی۔
