سپین بھی لاک ڈاؤن ملکوں کی فہرست میں

یورپ کے ملک سپین میں حکومت نے کورونا وائرس کو پھیلنے سے روکنے کے لیے شہریوں کے گھروں سے نکلنے پر پابندی عائد کر دی ہے۔

اٹلی کے بعد سپین لاک ڈاؤن کیا جانے والا یورپ کا دوسرا ملک ہے۔

وزیراعظم پیڈرو سانشز نے قوم سے خطاب میں کہا کہ سخت اقدامات اور مشکل فیصلے کیے جا رہے ہیں۔ شہری صرف ضروریات خریدنے، کام پر جانے اور ہسپتال کے لیے گھر سے نکل سکتے ہیں، دوستوں کے گھروں پر رات کے کھانے کی اجازت نہیں۔

سپین کے وزیراعظم کی اہلیہ کو بھی کورونا ہے اور ملک میں 183 ہلاکتیں ہو چکی ہیں جبکہ چھ ہزار کے لگ بھگ متاثرین ہیں۔