نیوز چینل کے دفتر میں 40 کارکنوں کو وائرس

پاکستان کے بڑے نیوز چینل اے آر وائے کے کراچی میں قائم مرکزی دفتر کے 40 کارکنوں میں کورونا کی تشخیص ہوئی ہے۔

کراچی میں اے آر وائے سے وابستہ ایک صحافی نے نام ظاہر نہ کرنے کی شرط پر تصدیق کی ہے کہ تمام سٹاف کے ٹیسٹ کرائے گئے جن کے نتائج اتوار کو موصول ہوئے۔

بتایا گیا ہے کہ صبح کی شفٹ کے 29 جبکہ شام اور رات کی شفٹ میں سے 11 کے نتائج مثبت آئے۔

دوسری جانب اسلام آباد میں بزنس ریکارڈر اخبار کے چار کارکنوں کا کورونا ٹیسٹ مثبت آیا ہے اور بجٹ کے دنوں دفتر میں رش کی وجہ سے خدشہ ہے کہ دیگر صحافی بھی متاثر ہوئے ہیں۔

بزنس ریکارڈ کے ایک کارکن نے بتایا کہ ریذیڈنٹ ایڈیٹر کے دباؤ کی وجہ سے وہ رپورٹرز بھی کام کرنے پر مجبور ہیں جن کو وائرس کی علامات ظاہر ہوئی ہیں۔

دریں اثنا اسلام آباد میں ہم نیوز کے مرکزی دفتر میں بھی کورونا کے دو نئے کیسز کی تصدیق ہوئی ہے۔