ایک اور پاکستانی نیوز چینل کی نشریات بند
پاکستان میں الیکٹرانک میڈیا کو ریگولیٹ کرنے والی اتھارٹی پیمرا نے ٹی وی چینل 24 نیوز کا لائسنس معطل کر کے نشریات فوری طور پر بند کرنے کے احکامات جاری کیے ہیں۔
پیمرا کے مطابق چینل 24 نیوز غیر قانونی طور پر خبروں اور حالات حاضرہ کے پروگرام نشر کر رہا ہے۔
اتھارٹی کے آرڈر کے مطابق سینٹرل میڈیا نیٹ ورک نے ویلیو ٹی وی کے نام سے خریدے گئے لائسنس کو غیر قانونی طور پر نام تبدیل کر کے 24 نیوز بنایا۔
پیمرا کے حکم نامے کے مطابق لائسنس تفریحی پروگراموں کی نشریات کا ہے جبکہ چینل کی انتظامیہ نے جاری کیے گئے اظہار وجوہ کے نوٹس کا جواب بھی نہیں دیا۔
