قومی اسمبلی میں مراد سعید پر ہیڈ فون سے حملہ
پاکستان کی قومی اسمبلی میں حکومتی اور اپوزیشن ارکان کے درمیان تلخ جملوں کا تبادلہ اور ہنگامہ آرائی ہوئی ہے۔
وفاقی وزیر مراد سعید کی تقریر کے دوران کورم کی نشاندہی کے بعد پیپلز پارٹی کی نصیبہ چنا نے مراد سعید کو ہیڈ فون دے مارا تاہم ہیڈ فون مراد سعید کو نہیں لگا۔
کورم کی نشان دہی کے بعد اپوزیشن ارکان کی اکثریت ایوان سے چلی گئی۔
مراد سعید نے اپنی تقریر کے دوران عزیر بلوچ کی جے آئی ٹی رپورٹ کے بعض حصے پڑھ کر سنائے جس پر پیپلز پارٹی کے ارکان نے شور شرابہ کیا۔
