وزیراعظم عمران خان کا قوم سے خطاب
پاکستان کے وزیراعظم عمران خان آج قوم سے خطاب کریں گے۔
بتایا گیا ہے کہ وزیراعظم عیدالاضحیٰ پر لاک ڈائون کی صورتحال سے متعلق قوم کواعتماد میں لیں گے اور حفاظتی اقدامات پرعملدرآمد یقینی بنانے پرزوردیں گے۔
وزیراعظم خطاب سے قبل متعلقہ اداروں کے ماہرین سے مشاورت کریں گے جس کے لیے وزیراعظم نے کورونا سے متعلق اجلاس دن تین بجے طلب کیا ہے۔
اجلاس میں وزیراعظم کو کورونا کے کیسز کی شرح میں کمی اورمرض کے پھیلاؤ کو روکنے کے لیے اٹھائے گئے اقدامات پر بریفنگ دی جائے گی۔
وزیراعظم اپنے خطاب میں قوم کو عیدالاضحیٰ پرسفری سرگرمیاں محدود کرنے کی ہدایت دیں گے۔
