ٹوئٹر کی تاریخ کی پسندیدہ ترین ٹویٹ

ہالی وڈ کے بلیک پینتھر ہیرو چاڈوک بوسمین کی موت کے اعلان کی ٹویٹ اس وقت سوشل میڈیا کی تریخ کی سب سے زیادہ لائک کی گئی پوسٹ بن گئی ہے۔

بوسمین کے خاندان کی جانب سے 43 سالہ اداکار کی موت کا اعلان کرتے ہوئے ان کی تصویر کے ساتھ لکھا گیا کہ چاڈوک گزشتہ چار برس سے کولون کینسر سے لڑ رہے تھے اور انہوں نے اس دوران بھی کام جاری رکھا، لاتعداد سرجیریز، کیمو تھراپی سیشنز اور علاج معالجے کی مصروفیات اور مشکلات کے باوجود انہوں نے چار بہترین فلموں میں اپنی اداکاری کے جوہر دکھائے اور ہمیشہ کے لیے کرداروں کو امر کر دیا۔

بوسمین فیملی کی جانب سے ان کے بارے میں کی گئی اس ٹویٹ کو دنیا بھر میں 65 لاکھ سے زیادہ افراد نے لائک جبکہ 30 لاکھ سے زیادہ نے ریٹویٹ کیا۔