ساجد گوندل کی بازیابی کے لیے وزیراعظم ہاؤس کے سامنے احتجاج

ایس ای سی پی کے مغوی افسر کے اہل خانہ نے وزیراعظم آفس کے باہر احتجاجی مظاہرہ کیا ہے اور وزیراعظم عمران خان سے اغوا کیے گئے ساجد گوندل کی فوری بازیابی کا مطالبہ کیا ہے۔

ساجد گوندل کے اہلخانہ نے ان کی بازیابی کے نعروں اور مطالبات والے پلے کارڈزاٹھا رکھے تھے۔

میڈیا سے گفتگومیں ساجد گوندل کی اہلیہ نے بازیابی کا مطالبہ کرتے ہوئے کہاکہ ساجد گوندل کے خلاف مقدمہ ہے تو عدالت میں چلائیں۔
ساجد گوندل کی والدہ نے وزیراعظم نے نوٹس لینے کا مطالبہ کیا اور کہا ساجد گوندل نے کوئی جرم نہیں کیا، اور ان کا قصوربھی نامعلوم ہے۔

دوسری جانب پولیس کی تفتیش ٹیموں کے ہمراہ سینئرافسران نے جائے وقوعہ کا دورہ کیا ٹیم نے تحقیقات کا دائرہ وسیع کرتے ہوئے ایس ای سی پی ملازمین کوبھی شامل تفتیش کیا ہے۔

واضح رہے کہ ساجد گوندل کو تین ستمبر کی شام شہزاد ٹاؤن کے علاقے سے نامعلوم افراد نے اغوا کیا۔

اسلام آباد ہائیکورٹ نے ساجد گوندل کی بازیابی کے لیے پولیس اور انتظامیہ کو دس دنوں کی مہلت دی ہے۔