صدر ٹرمپ کی حالت تسلی بخش نہیں: ذاتی معالج

Reading Time: < 1 minute

امریکی صدر کا علاج کرنے والی طبی ٹیم کے سربراہ ڈاکٹر شان کونلے نے کہا ہے کہ ڈونلڈ ٹرمپ کورونا کا شکار ہونے کے بعد بہتری کی جانب گامزن ہیں تاہم ان کی حالت ابھی خطرے سے باہر نہیں ہے۔

سنیچر کو رات گئے ایک بیان میں انہوں نے کہا کہ طبی ٹیم نہایت محتاط اور پُر امید ہے کہ صدر ٹرمپ جلد صحت یاب ہو جائیں گے۔

قبل ازیں صدر ٹرمپ نے ہسپتال سے ایک ویڈیو بیان میں کہا تھا کہ وہ بہتر محسوس کر رہے ہیں تاہم آنے والے دن ہی فیصلہ کریں گے کہ یہ کتنا مشکل ہے۔

ان کا کہنا تھا کہ وہ صدارتی مہم کو اسی طرح اختتام کی جانب لے جانا چاہتے ہیں جیسے شروع کی تھی اور اس کے لیے جلد ہسپتال سے فراغت چاہیں گے۔