رینجرز کے خلاف مقدمے کی یقین دہانی پر سندھ پولیس کام پر واپس آئی

کراچی میں سندھ پولیس کے سربراہ کے رینجرز اہلکاروں کے ہاتھوں مبینہ اغوا کے بعد اعلی پولیس افسران کی جانب سے کام چھوڑ دیا گیا اور منگل کو رات گئے آرمی چیف کی جانب سے آئی جی سندھ سے ٹیلی فونک رابطے اور واقعہ کی دس دن میں غیر جانبدارانہ انکوائرای کی یقین دہانی پر افسران واپس ڈیوٹی پر آئے۔

رات گئے سندھ پولیس کی جانب سے واقعے پر تفصیلی بیان میں کہا گیا ہے کہ افسران اور فورس کے اہلکار اپنے سربراہ کی تضحیک پر دلبرداشتہ تھے۔

سوشل میڈیا پر سندھ پولیس سے اظہار یکجہتی کے لیے ہزاروں شہریوں نے ٹرینڈ میں حصہ لے کر اپنے جذبات کا اظہار کیا۔