نامناسب مواد کی روک تھام میں ناکامی، پاکستان میں ٹک ٹاک پر پھر پابندی

Reading Time: < 1 minute

پاکستان ٹیلی کمیونیکیشن اتھارٹی نے ملک میں مختصر ویڈیو کی سوشل میڈیا ایپ ٹک ٹاک کو بلاک کر دیا ہے.

بدھ کو اتھارٹی نے ایک بیان میں کہا ہے کہ پریوینشن آف الیکٹرانک کرائمز ایکٹ 2016 کی متعلقہ دفعات کی روشنی میں پی ٹی اے نے ملک میں ٹِک ٹاک ایپ اور ویب سائٹ تک رسائی کو بلاک کردیا ہے۔

پی ٹی اے کے مطابق یہ کارروائی پلیٹ فارم پر نامناسب مواد کی مستقل موجودگی اور پلیٹ فارم کے ایسے مواد کو روکنے میں ناکامی کی وجہ سے کی گئی ہے.

خیال رہے کہ پاکستان میں گزشتہ ایک سال کے دوران کئی بار مختلف عدالتوں نے بند کرنے کے احکا مات جاری کیے جبکہ وزیر اطلاعات فواد چودھری نے ٹک ٹاک کو عدلیہ کی جانب سے بند کیےجانے پر تنقید کی تھی.