جعفر ایکسپریس پر حملہ، امریکی سفارتخانے کا بیان
Reading Time: < 1 minuteاسلام آباد میں امریکی سفارتخانے کا جعفر ایکسپریس پر حملے کے بعد بیان میں کہنا ہے کہ
”ہم جعفر ایکسپریس ٹرین پر حملے اور بلوچستان کے ضلع کچھی میں مسافروں کو یرغمال بنانے کی شدید مذمت کرتے ہیں۔ اس حملے کی ذمہ داری بلوچ لبریشن آرمی (بی ایل اے) نے قبول کی ہے، جسے امریکہ نے ایک عالمی دہشت گرد گروپ قرار دیا ہے۔
بیان میں سفارت خانے کا کہنا تھا کہ ہم متاثرین، ان کے اہل خانہ اور اس خوفناک واقعے سے متاثر ہونے والے تمام افراد سے گہری ہمدردی اور تعزیت کا اظہار کرتے ہیں۔
پاکستانی عوام کو تشدد اور خوف سے آزاد زندگی گزارنے کا حق حاصل ہے۔
مزید کہا گیا ہے کہ امریکہ پاکستان کا مضبوط شراکت دار رہے گا تاکہ وہ اپنے تمام شہریوں کی حفاظت اور سلامتی کو یقینی بنا سکے۔
ہم اس مشکل وقت میں پاکستان کے ساتھ کھڑے ہیں۔“
Array
