صحافیوں پر حملے کرنے والوں کی شناخت ممکن نہیں: چیئرمین نادرا

Reading Time: < 1 minute

پاکستان کی نیشنل ڈیٹا بیس اتھارٹی (نادرا) کے چیئرمین طارق ملک نے پارلیمنٹ کی قائمہ کمیٹی برائے اطلاعات کو بتایا ہے کہ اسلام آباد میں صحافیوں پر حملے کرنے والے مجرموں کی شناخت ویڈیوز اور فنگر پرنٹس سے ممکن نہیں ہو سکی۔

جمعرات کو اسلام آباد میں نادرا کے چیئرمین نے قائمہ کمیٹی کے ارکان کے سوالوں کے جواب میں کہا کہ مطیع اللہ جان، ابصار عالم اور اسد طور پر حملوں کی ویڈیوز سے کسی مجرم کی شناخت نہیں ہو سکی۔

‏ طارق ملک نے بتایا کہ مجرمانہ شناخت کے لیے فرد کی سامنے اور سائیڈوں سے تصاویر لینا ضروری ہیں اور اب مجرم بہت ہوشیار ہو گئے ہیں اپنی شناخت یا نشانی نہیں چھوڑتے۔