میر شکیل اور انصار عباسی کو توہین عدالت کے نوٹس جاری

اسلام آباد ہائیکورٹ نے گلگت بلتستان کے ریٹائرڈ چیف جج کا حلف نامہ شائع کرنے پر جنگ گروپ کے مالک میر شکیل، ایڈیٹر عامر غوری اور صحافی انصار عباسی کو توہین عدالت کے شو کاز نوٹس جاری کیے ہیں۔

منگل کو ہائیکورٹ کے چیف جسٹس اطہر من اللہ نے کہا ہے کہ یہ میرا احتساب ہو رہا ہے۔ جس جج کا نام آپ نے خالی چھوڑ دیا اس سے پوری عدالت پر سوال اٹھے۔

”لوگوں کا اعتماد اس عدالت پر تباہ کرنے کے لیے سکینڈل بننا شروع ہو گئے۔ سارے حقائق جانے بغیر خبر دے دی۔ کیا آپ نے خبر میں لکھا کہ یہ حلف نامہ لندن میں نوٹرائزڈ ہے؟ اس کے قانونی نتائج ہوں گے۔“

ان کا کہنا تھا کہ ریٹائرڈ چیف جج کا حلف نامہ بظاہر جھوٹا ہے۔