روس سے جنگ کا خطرہ، یوکرینی شہری بھی لڑنے کو تیار

Reading Time: < 1 minute

یوکرین کی 38 سالہ الیزا کو سپورٹس شوٹنگ کا شوق رہا اور پھر اس نے مقامی دفاعی یونٹ میں تربیت بھی حاصل کی مگر کبھی سوچا نہ تھا کہ ایک دن اصل جنگ بھی لڑنا پڑے گی۔

خبر ایجنسی روئٹرز سے گفتگو میں الیزا کا کہنا تھا کہ وہ اب اس تربیت کو روس کے خلاف لڑنے کے لیے استعمال کریں گی اگر یوکرین پر حملہ کیا گیا۔

روسی حملے کے خطرے کے خدشے کے شکار ہزاروں یوکرینی عام شہری اپنی ملازمتوں کے ساتھ اب دفاعی لڑائی کی تربیت بھی حاصل کر رہے ہیں۔

الیزا جو اس وقت یوکرین کے دارالحکومت میں دفتری ملازمت کر رہی ہیں سمجھتی ہیں کہ اُن کو اب فوجی تربیت کام آئے گی۔