لوئر دیر میں ٹائیگر فورس کا مسجد و مدرسے پر حملہ، مقدمہ درج

Reading Time: < 1 minute

خیبر پختونخوا کے ضلع لوئر دیر کے مرکزی شہر تیمرگرہ میں پی ٹی آئی کے کارکنوں نے جمعیت علمائے اسلام کے مدرسہ و مسجد پر حملہ کر کے وہاں موجود طلبہ اور اساتذہ پر تشدد کیا۔

رات گئے اس حملے میں پی ٹی آئی کے کارکنوں نے مسجد اور مدرسے میں توڑ پھوڑ بھی کی۔

سوشل میڈیا پر وائرل ویڈیو میں پی ٹی آئی کے کارکنوں نے مسجد کے طلبہ کے داڑھی نوچ ڈالی۔

پولیس نے موقع پر پہنچ کر حالات کو کنٹرول کیا اور پانچ افراد کے خلاف ایف آئی آر درج کی ہے۔

پی ڈی ایم کے ترجمان حافظ حمد اللہ نے حملے کی مذمت کرتے ہوئے کہا ہے کہ اس کے پیچھے ٹائیگر فورس ہے اور خیبرپختونخوا کی صوبائی حکومت حالات خراب کرنے کی ذمہ دار ہے۔