اسلام آباد ہائیکورٹ کا شہزاد اکبر اور شہباز گل کے حق میں فیصلہ

پاکستان تحریک انصاف کی حکومت کے خاتمے کے بعد پی ٹی آئی کے رہنماؤں کو اسلام آباد ہائی کورٹ نے ریلیف دیتے ہوئے شہزاد اکبر اور شہباز گل کے نام سٹاپ لسٹ میں نام ڈالے جانے کا نوٹیفکیشن معطل کر دیا ہے۔

قبل ازیں سٹاپ لسٹ میں نام شامل کرنے کو سابق وزیراعظم عمران خان کے مشیروں شہزاد اکبر اور شہباز گل نے اسلام آباد ہائی کورٹ میں چیلنج کیا تھا۔

منگل کو شہزاد اکبر اور شہباز گل نے ہائیکورٹ میں درخواست دائر کرتے ہوئے استدعا کی کہ بیرون ملک جانے سے نہ روکا جائے.

درخواست میں کہا گیا تھا کہ ان کے خلاف کوئی مقدمہ یا الزام نہیں اس لیے بیرون ملک جانے سے روکنا غیر قانونی ہے۔

خیال رہے کہ دونوں شخصیات کے پاس دہری شہریت ہے.