پاکستان میں پہلی بار عدالتی کارروائی براہ راست نشر ہوگی
پاکستان کی عدالتی تاریخ میں اسلام آباد ہائی کورٹ نے غیر معمولی اقدام کرتے ہوئے مقدمات کی سماعت براہ راست نشر کرنے کا فیصلہ کیا ہے۔
جمعے کو چیف جسٹس اطہر من اللہ کی کورٹ میں عدالتی کارروائی کی لائیو سٹریمنگ کا فیصلہ کیا گیا۔
ہائی کورٹ کے آئی ٹی ڈیپارٹمنٹ نے چیف جسٹس کی عدالت میں سسٹم نصب کر دیا ہے جس کے ذریعے ٹرائل کے طور پر آج سے عدالتی کارروائی کو محدود پیمانے پر براہ راست دکھایا جائے گا۔
رجسٹرار کے بیان کے مطابق ٹرائل کی کامیابی کے بعد ویب سائٹ پر کوئی بھی لائیو عدالتی کارروائی دیکھ سکے گا۔
