بشریٰ بی بی کی آڈیو لیک،درخواست ہائیکورٹ میں سماعت کیلئے مقرر

Reading Time: < 1 minute

اسلام آباد ہائیکورٹ میں بشریٰ بی بی اور ارسلان خالد کی آڈیو لیک کی تحقیقات کیلئے دائر درخواست سماعت کیلئے مقرر کر دی گئی۔

اسلام آباد ہائیکورٹ کے قائم مقام چیف جسٹس اسلام آبادہائیکورٹ جسٹس عامر فاروق پیر کے روز سماعت کریں گے۔

درخواست گزار کا موقف ہے کہ ایف آئی اے سائبر کرائم ونگ آڈیو لیک کی فارنزک تحقیقات کرے،بشریٰ بی بی اور ارسلان خالد کو عدالت بلا کر ویڈیو سے متعلق پوچھا جائے۔

درخواست میں مزید کہا گیا ہے کہ آڈیو درست ثابت ہونے کی صورت میں بشریٰ بی بی اور ارسلان خالد کے خلاف سخت کارروائی کی جائے۔

درخواست میں وزارت داخلہ، وزارت اطلاعات، چیئرمین پیمرا اور پی ائی ڈی کو فریق بنایا گیا ہے،

ایف آئی اے، انٹیلیجنس بیورو اور سٹیٹ بنک کو بھی درخواست میں فریق بنایا گیا ہے۔