وفاقی پولیس کے کتنے اہلکار عمران خان کی سیکیورٹی پر مامور ہیں؟

Reading Time: < 1 minute

پاکستان کے وفاقی دارالحکومت اسلام آباد کی پولیس نے کہا ہے کہ چیئرمین پی ٹی آئی عمران خان کے ساتھ ایس پی کی سربراہی میں ۷۷ پولیس اہلکار سکیورٹی ڈیوٹی پر مامور ہیں۔

ترجمان اسلام آباد پولیس کی طرف سے جاری کردہ بیان میں کہا گیا ہے کہ دوسرے صوبوں سے قانونی ضابط کار کے مطابق نفری فراہم کی گئی تو وہ بھی سابقہ وزیراعظم کو مہیا کی جاسکتی ہے۔

اسلام آباد پولیس ہر قسم کے حالات میں اپنے فرائض ادا کرنے میں پیش پیش ہے۔ہر سابق وزیراعظم کو صرف 5 سکیورٹی اہلکار مہیا کئے جاتے ہیں۔ جبکہ اس صورتحال میں سابق وزیر اعظم صاحب کو ۷۷ پولیس افسران صرف اسلام آباد پولیس فراہم کر رہی ہے۔

پولیس ترجمان کا کہنا تھا کہ ایسی صورت میں منفی اور بے بنیاد خبروں پر یقین نہ کریں جس سے پاکستان کی پولیس کی کردار کشی ہو۔