برطانیہ کی نو منتخب وزیراعظم نے اپنے پہلے خطاب میں کیا کہا؟

Reading Time: < 1 minute

برطانیہ کی نو منتخب وزیراعظم لز ٹرس کا اپنے پہلے خطاب میں کہنا تھا کہ برطانیہ کی تعمیر و ترقی ان کے مشن کا حصہ ہے۔

تفصیلات کے مطابق 47 سالہ وزیراعظم لز ٹرس نے معیشت، توانائی اور نظام صحت کو اپنی تین فوری ترجیحات قرار دیا ہے۔

وزیراعظم لزٹرس کا کہنا تھا کہ ٹیکسوں میں کمی اور اصلاحات کے ذریعے معیشت کو فروغ دیا جائے گا، اسپتالوں، اسکولوں، سڑکوں اور براڈ بینڈ کی تعمیر کو یقینی بنایا جائے گا۔

لزٹرس نے اپنے خطاب میں مزید کہا کہ یوکرین جنگ سے پیدا ہونے والے توانائی کے بحران سے فوری نمٹا جائے گا۔

گزشتہ رات گئے انہوں نے اپنی نئی کابینہ تشکیل دی ہے جس میں وزیر خارجہ کا عہدہ جیمز کلیوری،وزیر داخلہ کےلیے سوئیلا بریورمین،وزیر خزانہ کےلیے کواسی کُوارٹنگ کو مقرر کیا گیا ہے جبکہ بن والیس وزیر دفاع کے طور پر اپنا عہدہ برقرار رکھیں گے ۔