امید ہے پاکستان کے ساتھ اچھا مقابلہ ہو گا:کوچ انگلش کرکٹ ٹیم

Reading Time: < 1 minute

انگلینڈ کرکٹ ٹیم کے ہیڈ کوچ برینڈن میک کلم نے کہا ہے کہ پاکستان آ کر اچھا لگ رہا ہے،یہاں اچھی مہمان نوازی کی جا رہی ہے،دونوں ٹیموں کے درمیان اچھے مقابلے کی توقع ہے۔

پیر کو راولپنڈی میں میڈیا سے گفتگو کرتے ہوئے بریڈن میک کلم کا کہنا تھا کہ دونوں ٹیموں نے پنڈی سٹیڈیم میں ٹریننگ کی،پاکستان میں طویل عرصے بعد انٹرنیشنل کرکٹ کی واپسی ہوئی ہے جو پاکستانی شائقین کے لئے بڑا چیلنجنگ رہا ہے۔

ان کا کہنا تھا پاکستان کا ٹیسٹ اسکواڈ بہت اچھا ہے جو سینئرز اور جونیئرز پر مبنی ہے، ہمیں امید ہے کہ پاکستان کے ساتھ اچھا مقابلہ ہو گا اور دوسرے ٹیسٹ کے لیے مارک ووڈ کی دستیابی کے لیے بھی پرامید ہیں۔